ភ្នំពេញ៖ ក្រសួងអប់រំ យុវជន និងកីឡា បានប្រកាសកំណត់យកថ្ងៃទី០៦ ខែវិច្ឆិកា ឆ្នាំ២០២៣ ជាថ្ងៃប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)សម្រាប់ឆ្នាំសិក្សា២០២២-២០២៣។

ការប្រឡងបាក់ឌុបឆ្នាំ២០២២ ក្រសួងអប់រំបានពន្យារពេលប្រឡងបាក់ឌុប ទៅថ្ងៃទី០៥-០៦ ខែធ្នូ ដោយសារកម្ពុជាមានភារកិច្ចរៀបចំកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធចាប់ពីថ្ងៃទី១០-១៣ ខែវិច្ចិកា ឆ្នាំ២០២២។

សូមបញ្ជាក់ថា ការប្រឡងបាក់ឌុបថ្ងៃទី០៥-០៦ ខែធ្នូ ឆ្នាំ២០២២ មានសិស្សចំនួន៩០៩៥០នាក់ប្រឡងជាប់ ស្មើនឹង ៧២.៣៣ ភាគរយ ក្នុងនោះមានសិស្សជាប់និទ្ទេសAចំនួន១០៤៩នាក់ និទ្ទេសBចំនួន ៧២៣២នាក់ និទ្ទេសCចំនួន១៩០៥៣នាក់ និទ្ទេសDចំនួន៣១១៦៦នាក់ និងនិទ្ទេសEចំនួន៣២៤៥០ នាក់៕